XX. mendeko Euskararen Corpus estatistikoa

Testuingurua

Kaleotan gizona dabil.
Ezin diot bizkarrik eman
hirian denik-eta errealitate hunkigarrien honi.

Ingurutara zabalik, inguru katramila handikotan barna gizona
bizitza beteko bizi-minaren sena gidari duela arriskuen erdiz
bizitzaren senak beldur dien oztopoei biziki alde eginez alde ezinez
oztopotan behaztopatuz,
bere bizitza berearen bizi-bide bila bakoitza,
etengabeko saiaketan,
ahozabalik, itsasoan arrain, begi zabalik.

irentsian, arrainak itsasoan bezalaxe,
irentsi asekaitzean,
iresiz, ihesiz
linburaraziz bizitzari
bakoitzak opa duen bizi-une hartarantz bakoitza.